Jump to Navigation

November 2011

admin's picture

Abaturage bafite uburenganzira bwo kumenya uburyo ingengo y’imali ikoreshwa

abanyamakuru bitabiriye aya mahugurwa i Nairobi - Kenya

Ni ibyagaragajwe na Prof. Phyllis MAKAU ushinzwe gukurikirana ikoreshwa ry’igengo y’imali mu nteko nshinga mategeko mu gihugu cya Kenya, mu  mahugurwa ari kubera I Nairobi muri Kenya akaba akurikiranwa n’abanyamakuru 14 baturutse mu bihungu bigize umuryango wa afrika y’ibirasiraziba aribyo Kenya, Tanazaniya, Uganda, u Rwanda n’u Burundi.

Avuga ko ingengo y’imali ni amafaranga aba agenewe ibikorwa bireba abaturage b’igihugu , ndetse kuba hafi igice cy’ingengo y’Imali kiba cyavuye  mu mbaraga z’abenegihugu , ari ngombwa ko abo benegihugu bamenya uburyo hakorwa igenabikorwa rishingiye ku ngengo y’imali. Inkuru zijyanye n’uburyo ingengo z’imali zikoreshwa mu bihugu bitandukanye, usanga zikiri nkeya cyane, ahanini  ngo ntibiterwa nuko ziba zabuze, ahubwo biterwa n’ubumenyi buke bw’abanyamakuru bakagombye kuzitara.

Impamvu nyamukuru zituma inkuru ku ngengo y’imali zidakorwa biturutse ku bitekerezo byagiye bitangwa n’abanyamakuru batandukanye bitabiriye ayo mahugurwa, ngo nuko kugera ku makuru yimbitse arebana n’itegurwa ndetse n’ikoreshwa ry’ingengo z’imali ahenshi biracyari ingorabahizi, ahanini bigaterwa n’uko hari ibihugu byinshi bigira ibanga bimwe mubikorwa byagenewe amafaranga mu ngengo y’imali, harimo nk’amafaranga aba yaragenewe ibikorwa byo gucunga umutekano ndetse n’ibitabo bisobanura uko amafaranga y’ingengo y’imali abayarakoreshejwe (Estimate Recurrent Expenditure) bikaba biba bidasobanura kuburyo bworoheye buri wese ikoreshwa ry’amafaranga.

 Aya mahugurwa akaba yarateguwe n’umushinga w’abadage GIZ mu rwego rwo gufasha abanyamakuru bo mu karere ka Afrika y’iburasirazuba kumenya uburyo bworoshye bubafasha gutara inkuru ndetse no kumenya uburyo ingengo y’imali  itegurwa, aho amafaranga agize ingengo y’imali aturuka, uburyo Ingengo y’imali ikoreshwa, n’uburyo abanyamakuru bashobora gutegura inkuru zerekeranye n’imikoreshereze y’ingengo y’Imali. Mubanyamakuru baturutse mu Rwanda hakaba harimo NSABIMANA Claude wa Radio Flash, Regina Gacinya wa Radio IZUBA, NYANDWI Benjamin wo mu kinyamakuru AMAHORO na Patrick MUNEZA wa Radio flash. Aya mahugurwa yatangiye taliki 24 Ukwakira akaba azasozwa kuri uyu wa gatanu taliki 4 Ugushyingo 2011.

GACINYA M. Regina / IZUBA Radio/ Nairobi - Kenya

admin's picture

Abanyarwanda bitabiriye ibirori byo kwizihiza isabukuru y'imyaka 50 mu gihugu cya Tanzania

 Ibirori byo kwizihiza isabukuru y’imyaka 50 igihugu cya Tanzania kimaze cyibonye ubwigenge, byaranzwe na karasisi y’abanyenshuri,abashinzwe umutekano, imyiyereko y’abasirikare harimo abarwanira kubutaka  ,  mu mazi ndetse no mu kirere. Uretse iyo myiyereka indirimbo zitandukanye , imivugo ndetse n’ibyino byose bitaka igihugu cya Tanzania byari muri byo birori.

Mu ijambo rye yagejeje kumbanga yaba Tanzania ndetse n’abanyarwanda  batuye mu gihugu cya Tanzania, Madam Odette UWAMARIYA  goverineri w’Intara y’Iburasirazuba yavuze ko kuba u Rwanda rwaritabiriye ibi birori, asanga ari kubera  umubano ndetse n’ubushuti bwihariye buri hagati y’ibi bihugu byombi,ikindi  kandi  yagarutseho nuko yavuze ko nyakwigendera mzee mwalimu julius kamabarage Nyerere president wa mbere wa Tanzania, ko yakinguye imiryango kubantu bose mu bihugu byose by’Africa agamije kunga ubumwe , amajyambere no guteza imbere umutekano usesuye muri ibi bihugu.

Yagije ati “ kubera umubano wagaragaye kuva kera, ariyo mpamvu ubu turi mu ntara yanyu dutumwe na  president kagame Paul  mu rwego rwo gukomeza  uwo umubano ndetse n’ubufatanye hagamijwe guteza imbere imibereho myiza y’abaturage binyuje k’ ubuhahirane muri ibi bihugu byombi, habungwabungwa umutekano , ubumwe n’amajyambere by’igihugu”.

Mu ndamukanyo yabo igiri iti “Amani na Maendeleo” biviga “ Amahoro n’amajyambere”mu rurimi rw’ikinyarwanda , umuyobozi w’intara y’Akagera  MASSAWE Fabian  yavuze ko umunsi nkuyu aba Tanzania bagomba gusubiza amaso inyuma bakareba aho bavuye , aho bageze ndetse bakanareba ejo hazaza. Yavuze kandi ko intara y’Akagera yageze kuri byinshi haba m’ubukungu , mu miberehomyiza y’abaturage no mu mutekano.

Yagize ati “kuba abaturage barenga milioni 2.5 babona icyo kurya,abana bakajya ku ishuri, bakabona ikibavuza , amazi meza , ibi bigaragaza ko iterambere rihari, ariko mbere na mbere byose tubikesha mzee mwalimu julius kambarage nyerere wa tugejeje ku bwigenge.”

Yavuze ko mu myaka 50 irimbere bazita mu kubaka umubano hagati y’ibihugu byabaturanyi, gusakaza ikoranabuhanga hose mu ntara, guteza imbere ubuhahirane mu bihugu by’Afrika y’Iburasirazuba ndetse no gukomeza kubungabunga umutekana w’abaturage.

Intara y’Akagera ikaba iherereye  mu majyepfo y’iburengerazuba, ifite uturere umunani ikaba ituwemo n’abaturage basaga milioni ebyiri n’amagana atanu.

Kuri uyu wa kabiri , hakaba hari businwe amasezerano  y’ubufatanye hagati y’igihugu cya Tanzania n’u Rwanda.

GACINYA M. Regina/ Radio IZUBA- Bukoba, Tanzania.

 

admin's picture

Intore y’Igihugu nyayo burya iba ifite urufunguzo rw’ubuzima mu biganza byayo

Kunshuro ya gatatu itorero  ry’Igihugu kubanyeshuri basoje amashuri yisumbuye ryatangiye kuwa 27/11/2011rikaba riteganijwe gusozwa kuwa 17/12/2011,mu Karere ka Ngoma rikazakorerwa kumasite atatu ETO Kibungo,Kabare, na Aspek rikanitabirwa n’Abanyeshuri bagera 1086.

Ubumenyi Abanyeshuri bakura mumashuri y’isumbuye iyo bongereyeho ubwo bakura mw’itorero ry’igihugu bubabera urufunguzo mberabyombi rwo gukomeza kwiga,gukora imirimo itandukanye,kwihangira imirimo ndetse no kwibumbira mumakoperative kuburyo bworoheje. Ibi n’ibyavuzwe n’umuyobozi w’akarere ka Ngoma Bwana NIYOTWAGIRA Francois ubwo hatangizwaga kumugaragaro ku nshuro ya gatatu itorero ry’igihugu mu Karere ka Ngoma rikaba rizwi kw’izina risanganywe ry’INTARAMANAGUHIGA.

Bwana NIYOTWAGIRA Francois umuyobozi wa Karere ka Ngoma kandi akaba yasabye  abo banyeshuri ko abatazagira amahirwe yo gukomeza kwiga muri za kaminuza kutazagira umwuga basuzugura kuko ngo nta mwuga uruta undi ntanumwuga mubi uretse kwiba kuroga no gusamabana.

Umunyamabanga wa Ministre w’Urubyiruko umuco na Sport NZABONIMANA GIOME SERGET wari wataramanye n’izo Ntore akaba yazisabye kuzabyaza umusaruro ubumenyi bakura mu mashuri no mw’itorero ry’Igihugu bakiteza imbere bo ubwabo ndetse n’Igihugu muri rusange.

Uwera Anitha umwe mubanyeshuri bari muri iryo torero akaba yatangarije Radio Izuba ko muri torero bamazemo iminsi ibiri batangiye bamaze kwigiramo byinshi nkamateka y’Igihugu,kubana n’imiryango inyuranye mugihugu no hanze yacyo ndetse no kwiteza imbere.

David Kayiranga   Radio Izuba  /  Ngoma - Rwanda

 

admin's picture

Hasinywe amasezerano hagati y'Intara y'Iburasirazuba n'Intara y'Akagera ho muri Tanzania

 Bimwe mu byigenzi bikubiyemo muri aya masezerano harimo ibijyanye no kubungabunga umutekano wa bantu n’ibintu ku mipaka yombi , kworohereza abucuruzi gukora ibikorwa byabo, ndetse no guteza imbere umuco n’a sport, cyane cyane ko ibi bihugu byombi hari byinshi bihuriyeho.

Aya masezerano y’ubufatanye hagati y’Intara y’Iburasirazuba n’Intara ya Kagera muri Tanzania , madamu UWAMARIYA Odette goverineri w’intara y’Iburasirazuba wa ruhagarariye u Rwanda avuga ko iki gikorwa ari igitego kubanyarwanda bose cyane cyane ko imipaka igiye kwaguka bityo ubuhahirane bukarushaho gutezwa imbere. Ikindi nuko uretse park y’Akagera iherereye mu ntara y’Iburasirazuba  ikurura bamukerarugendo ndetse n’abashora imari , goverineri w’intara y’Iburasirazuba UWAMARIYA  yavuze ko, bazashira imbaraga nyinshi mu guhinga bihingwa bizatuma abaturage b’intara ya Kagera bahahira mu Rwanda.

 Umutekano muke ukunze kugaragara ku mipaka ihana imbibe n’intara  ya Kagera niy’iburasirazuba uterwa n’abakora ubucuruzi butemewe n’amategeko , majyendo ndetse n’abambutsa ibiyobyabwenge  , ngo bizakemuka mugihe cyavuba kuko hagiye gushyirwaho uburyo bwo  guhanahana amakuru ndetse n’amanama azajya ahuza impande zombi.

Ubusanzwe igihugu cy’urwanda n’igihugu cya Tanzania bifitanye ubushuti bwihariye aho abaturage w’ibi bihugu byombi bashinze ishyirahamwe bise Rwanda Tanzania friendship association (RWATAFA). Gahamanyi ISIDORE umuyobozi w’iri shyirahamwe mu Rwanda wari w’itabiriye uyu muhango  yatangarije Radio/Izuba ko batangiza iri shyirahamwe bari bagamije gukuraho umwuka mubi wari hagati y’ibi bihugu byombi ngo kuko basangaga bidindiza itera mbere.

 

GACINYA M. Regina/IZUBA Radio – Bukoba , Tanzania

 

Links

Indymedia.org
Ciranda.net
Wsftv.net
Worldsocialforum.info
Imc-africa.mayfirst.org
Fsm2011.org
www.amarc.org

Imboni

Amwe mu mafoto y'Imboni za Radio Izuba   

David HAKIZAYEZU

Photo: 
Poste: 
Journaliste

.

Christine NUMUKOBWA

Photo: 
Poste: 
Comptable
admin's picture

Umutara Polytechnic yatanze impamya bumenyi ku nshuro yayo ya mbere

Kuri uyu wa gatanu tariki ya 25/11/2011, Kaminuza y’Umutara Polytechnic iherereye mu Ntara y’iburasirazuba mu Karere ka Nyagatare yatanze impamyabumenyi ku banyeshuri bayo 383 baharangije kuva mu mwaka wa 2009, 2010 na 2011 mu mashami ane, Ubucuruzi,ubucungamari n’ubuyobozi, ubuvuzi bw’amatungo, ubuhinzi n’ubworozi n’ishami ry’ikusanyabumenyi mu birebana n’ikoranabuhanga.

Ibi birori bikaba byitabiriwe n’abayobozi ku nzego zitandukanye harimo abagize uruhare mu gushinga iyi Kaminuza ariwe Porofeseri Nshuti Manase wavuze ko iki gitekerezo mu kugitangiza habayeho guhuza ibitekrezo kw’abantu b’ingeri zinyuranye babishimiwe kuko ngo byari nk’indoto akaba ari igikorwa kuko ubu iyo Kaminuza ubu ihari   Porofeseri Nshuti Manase yashimiye leta y’u rwanda idahwema gushyigikira iyi Kaminuza ifite gahunda y’uko abayirangizamo bagaragaza umusaruro ku isoko ry’umurimo nk’uko uwavuze mu izina rya bagenzi be barangije nawe yabigaragaje.

Ukuriye inama y’ubuyobozi ya Kaminuza Umutara Polytechnic Dr Cyubahiro Marc Bagabe, yavuze ko itangira yari Kaminuza yigenga ifite abanyeshuri bake ariko ubu abayiminuzamo barabarirwa hafi mu bihumbi bine, yagaragaje ko mubyo iyi Kaminuza iteganya harimo no kuzatangiza andi mashami atandukanye harimo ubumenyi ku bijyanye n’ikirere no kuhira imyaka  ndetse n’andi masomo atandukanye.

Umuyobozi w’agateganyo wa Kaminuza y’umutara Polytechnic Dr Eugene Ndabaga yavuze ko kuba abayirangijemo bahawe impamyabumenyi zabo ari intangiriro kugira ngo n’abahaminuza bakomeze kwigana umuhate, yanavuze kandi ko nka Kaminuza ikorera ahantu hari Ubuhinzi n’Ubworozi, abayigamo bazakomeza kubera intangarugero abaturanyi babo kugira ngo bakataze mu iterambere.

Umunyamabanga wa Leta muri Ministere y’uburezi Dr Matias Harebamungu yabasabye ko baza gufatanya n’abandi mu kubaka u Rwanda rugeze heza mu cyerekezo cy’iterambere, yanasabye kandi abakiminuza mu Umutara Polytechnic ko nabo bakora igihe cyose bagamije iterambere ry’u Rwanda cyane cyane mu bijyanye no kuzamura ubukungu, gushimangira umutekano, guha ireme ry’uburezi agaciro mu rwanda n’izindi ngingo zituma umunyarwanda atera imbere.

Muri iyi muhango kandi hahembwe abanyeshuri babaye indashyikirwa mu kurusha abandi hanahembwa by’umwihariko aborozi batanu bagaragaje guorana na Kaminuza y’Umutara Polytechnic aho bashyikirijwe buri wese inka ye.

Kureba amafoto yo kuri uwo munsi kanda hano: http://youtu.be/ajm0G5gD0uc

Saved by Vedaste Ufitabe Technician and webmaster of izuba Radio  Ngoma / Kibungo - Rwanda

 

admin's picture

Abanyamakuru bo bihugu bya Uganda na Kenya basuye Radio izuba

 Aba bashyitsi baturututse ku maradio atandukanye ari yo Radio Pacis ikorera mu gihugu cya Uganda ndetse n’abaturutse mu gihugu cya Kenya bazwi ku izuna rya www.Shujaaz.fm ubwo bageraga ku kicaro cya Radio Izuba kuri uyu wa gatatu mu masaha ya saa ine bibumbiye muri Search for Common graund, bakiriwe n’abayobozi ba Radio, batemberezwa aho Radio Izuba ikoreramo ari nako basobanurirwa imikorere yayo. Ntibyarangiriye aho gusa kandi bagiranye ikiganiro kirambuye hamwe n’abanyamakuru ba Radio Izuba mu rwego rwo kumenyekanisha imikorere yayo ku  mpande zombi.

Muri iki kiganiro  basobanuriwe kandi imikorere n’imikoranire hagati ya Radio Izuba ndetse n’imboni za Radio izuba aho wasangaga bashishikajwe  cyane no kumenya uko Radio Izuba ikorana n’izo mboni zayo ndetse n’inshuti za Radio Izuba, aha bakaba baranasobanuriwe uburyo babifashijwemo na Radio Izuba Imboni ubu zifite ibikorwa zihuriramo bibyara umusaruro uzifasha kwiteza imbere.

Bakaba bishimiye uburyo abanyamakuru n’abayobozi ba Radio Izuba babakiriye n'uburyo basobanuriwe birambuye uko ikora ndetse banishimira ibikorwa byose imaze kugeraho.

 

admin's picture

Umunuko uva muri gereza nkuru ya kibungo n’ibibazo by’abagororwa bo muri iyo gereza bigiye kubonerwa umuti

 Gereza nkuru ya Kibungo iherereye mu karere ka Ngoma, mu murenge wa Kibungo. Iyi gereza ikaba yaratangiye gufungirwamo  mu 1934,kuri ubu ikaba irimo abagororwa n’abafungwa 2253,baregwa ibyaha bya Genocide  ndetse n’ibindi byaha bisanwzwe.ifite ubuso bungana na ha 41.

Bimwe mu bibazo by’abafungwa n’abagororwa bo muri iyi gereza byabajijwe comiseri mukuru w’amagereza mu Rwanda Paul Rwarakabije, harimo kuba hari bamwe mu bagororwa bagifunzwe nyamara bararangije igihano cyabo , comiseri mukurur Rwarakabije yasubije ati:” Kuri abo bake bavuga ko barengeje iminsi yo gufungwa,ni amadosiye abantu baba bakireba   koko ko ibivugwa ari ukuri;ibyo bibazo biriho birarebwaho n’inzego zibishinzwe hamwe n’ubuyobozi bwa gereza, nasanze amadosiye yabo arimo kwigwaho”.

Naho ku kibazo kijyanye n’irekurwa ry’umugororwa atarangije igihano cye,kubera imyitwarire myiza aba yaragaragaje(Libération conditionnelle) ,.yavuze ati:” Yaba palike, yaba abayobozi b’amagereza bacyizeho bararangije ndetse no mu rwego rwa minisiteri y’ubutabera bafite aho bakijeje, kuryo hasigaye ko icyemezo gifatwa, kugira ngo libération conditionnelle ishyirwe mu bikorwa; gusa ibi bireba uwakatiwe akaba arangije kimwe cya kane cy’igihano, ariko kandi ntibireba abaregwa ibyaha bya Génocide,gufata kungufu,n’ubwicanyi bugambiriwe”.

Abajijwe na Radio izuba ikibazo cy’umunuko uturuka muri iyo gereza  uterwa n’umwanda w’abo bagororwa, ubangamiye abaturage bayituriye, yavuze ati:” Twasabye ko mu minsi ya mbere hakoreshwa ishwagara kugira ngo abantu be kunukirwa,turakora uko dushoboye kugira ngo duhangane n’icyo kibazo,  twakabaye twarubatse biogas nkuko tubikora ahandi, ariko kuko gereza igomba kwimuka, turakora ku buryo kunuka  byarangira”.

Mu bindi byabajijwe bikabonerwa ibisubizo ,harimo ikibazo cy’uko abasura abafungiye muri iyo gereza batagira aho bugama imvura n’izuba, aha ubuyobozi bw’akarere ka Ngoma bukaba bwaremeye inkunga y’ibiti bizifashishwa  hubakwa ubwo bwugamo.

BONFILS BAYINGANA  / IZUBA RADIO

 

admin's picture

Radio Izuba yahembye abanyamakuru n’abahanzi bahize abandi mu marushanwa itegura buri mwaka

Ibi birori, byari byitabiriwe n’abantu benshi batandukanye, biganjemo abahanzi basaga ijana bari baje mu irushanwa, ndetse n’abandi bari baje gushyushya ibirori, hari kandi abanyamakuru, abayobozi ndetse n’abandi baturage baturutse hirya no hino cyane cyane mu Ntara y’Iburasirazuba bari buzuye inzu mberabyombi y’Akarere ka Ngoma. Nyuma yo kwerekana impano zabo mu kuririrmba abaje kumwanya wa mbere ni itsinda ryitwa The friends, Niyiheteya Yayeli aza ku mwanya wa kabiri wakurikiwe na Mugobokanshuro Pascal, haza Ishimwe Eric naho uwa gatanu aba Akimana Moussa. Aba bose bakaba baragenewe ibihembo birimo amafaranga, ndetse bakaba bazatunganyirizwa indirimo na Studio MCLO Production.

Mu banyamakuru ba Radio Izuba bahembwe ni Emilienne Kayitesi, Senga Emmanuel na Muteteri Genevieve. Aba bakaba barahemwe kubera ubushake, kubahiriza igihe n’ubwitange bagaragaje mu gukora akazi kabo muri uyu mwaka wa 2011. Emilienne Kayitesi ni ku nshuro ya kabiri yegukanye iki gihembo kuko umwaka ushize nabwo yari yacyegukanye aho we Titien Mbangukira na Jean Paul Kamanzi aribo bari bahembwe.

Uretse kandi guhemba abanyamakuru hanahembwe umuturage wagejeje amakuru menshi kuri Radio Izuba mubo bita Imboni muri uyu mwaka wa 2011 ariwe Utazirubanda Vedaste, ndetse hanahemwa n’umuturage wahuje abandi mu gushinga amakoperative y’abaturage b’inshuti za Radio Izuba. Murwego rwo kumvikana ku isi hose Radio Izuba yanashinze urubuga rwa Internet ruzajya rutuma abashaka kuyumva bari aho itumvikana mu gihugu, ndetse n’ababa hanze yacyo babasha kuyumva narwo rukaba rwaramuritswe ku mugaragaro arirwo www.izubaradio.com .

Mu ijambo rye Umuyobozi wa Radio Izuba Eric Kayihura yashimiye abahanzi bitabiriye iri rushanwa, ndetse avugako nka Radio Izuba nka Radio y’abaturage ifite inshingano zo guhuza abaturage n’abayobozi akaba ari ku bw’iyo mpamvu hategurwa iminsi bahuriramo bose. Ikindi ni uko abahanzi n’itangazamakuru byuzuzanya kuko nta Radio ishobora gukora igihe cyose itanyuzaho ibihangano b’abahanzi, ndetse n’abahanzi gukora nta Radio bikaba byabagora, hakaba rero hagomba ubwuzuzanye nk’uko byatangajwe n’umuyobozi wa Radio Izuba. Guillaume Serge Nzabonimana Umujyanama wa Minisitiri y’Urubyiruko Siporo n’Umuco, nawe yashimiye Radio Izuba mu ruhare igira rwo guhuza abahanzi, abaturage ndetse n’abakunzi ba Radio Izuba, akaba kandi yaranishimiye ko mu marushanywa n’aka haragararamo n’abakoresha ibikoresho gakondo, bikaba byaranigaragaje mu gitaramo cyabaye nyuma y’amarushanywa aho haragaraye abahanzi bacurangisha ibikoresho gakondo harimo Nzayisenga Sophie Umunyarwandakazi wamamaye kubera gukirigita umirya y’inanga.

Mu bandi bahanzi bagarageye muri ibi biroriharimo Jay poll, Knowless, Mako Nikoshwa, Kamichi, Sister Aima, ndetse n’abandi bahanzi batandukanye bo mu Ntara y’Iburasirazuba. Ibi birori bitegurwa buri mwaka na Radio Izuba aho ifatanya n’abayerankunga bayo, mu rwego rwo guhuza abaturage n’abayobozi. Ni ku nshuro ya kabiri hategura irushanwa ry’abahanzi, akaba ari no ku nshuro ya gatatu hahembwa abanyamakuru bitwaye neza.

 

Amafoto yo kuri uwo munsi kanda hano: http://www.youtube.com/watch?v=XGTVPIZ56u8&feature=colike

 Vedaste Ufitabe Technician and webmaster of izuba radio / Rwanda

admin's picture

Umupira wo kwibuka uwahoze ari umukozi mu ishuri rikuru rya Inatek Gitore Pacifique

 Kuri uyu wa gatandatu tariki ya 12/11/2011, ku kibuga cya Paroisse ya Kibungo nibwo habaye umupira wo kwibuka uwahoze ari umukinnyi akaba yari anahagarariye sport muri Kaminuza nkuru ya Inatek.

Uwo mukino  ukaba warahuje ikipe ya Vision sport club yo mu murenge wa Kazo ndetse n’abahoze ari inshuti ze, abo biganye ndetse n’abo bakoranye, ukaba wararangiye ikipe yahoze akinamo itsinze ikipe Vision sport club ibiteg bine kuri bibiri, akaba yari amaze amezi abiri n’iminsi itandatu  yitabye Imana azize impanuka y’imodoka.

Dushime Didie wari umukinnyi  akaba yaravuze ko iki gikorwa kizakomeza ndetse ko hagiye gushyirwaho igikombe kizajya gikinirwa buri mwaka kitirirwa Gitore Pacifique


Jean Paul Kamanzi  / Radio Izuba  / Ngoma

 

admin's picture

Uburere bw’umwana bugomba kubungabungwa n’ababyeyu be, Ubuyobozi ndetse n’Umuryango Nyarwanda muri rusange

 Imwe mu mpavu nyamukuru yateye bomboribombori yabaye mu mashirahamwe acukura amabuye y’agaciro, n’ikibazo cya Frode.  Amashyirahamwe amwe akaba ashinjwa gukora frode akorana n’ abana bakiri bato cyane mu gucukura ayo mabuye yagaciro.

Abana bamwe bakaba bava mu mashuri aho gutaha iwabo bagataha mubirombe. Abandi bo bakaba baravuye mu mashuri burundu. Ibi ngo bikaba biterwa n’uko ibihembo by’Abana biba bike ntibanake ubwishingizi. Iki kibazo kikaba cyababaje cyane MINISTRE asaba ko kigombo guhita gikemurwa vuba na bwangu  aho Ababyeyi,abayobozi,namakoperati abakoresha,bagomba gukurinwa n’amategeko.          

Nkoko byatangajwe n’umuyobozi wa Karere ka KAYONZA  bwana MUGABO John ngo murako Karere uyu mwaka Abanyeshuri bagera kuri 404ntibakoze ikizamini cya reta kubera iyo mirimo bakoreshwa. Tubamenyeshe ko MINISTRE MUSONI James yashoje iyo nama yibutsa Abayitabiriye bose ko uretse no kuva mwishuri itegeko rirengera umwana ritemera gukoreshwa imirimo y’ingufu.

 Kayiranga David / Radio Izuba

admin's picture

Kubera ikibazo cyo kutagira amashyamba, abaturage bo mukarere ka Kayonza ubushyuhe bwabasangaga munzu bakagira ngo n’umuriro uturuka Ikuzimu.

Ha zisaga 700  kuri uyu wa 16 Ukwakira 2011 nizo zateweho ibiti mukarere kayonza umurenge wa Rukara, ibi biti byatewe muri gahunda yo kwongera ubuso bw’amashyamba, igikorwa cyateguwe na ministere y’umutungo kamere ifatanije n’inkeragutabara.  Ubwo ingabo zifatanyaga n’abaturage bo muri uwo murenge twaganiriye na bamwe mubaturage bitabiriye icyo gikorwa batangaza ko ntakibazo cy’isuri kizongera kugaragara, kuko ngo bakibona nk’igikorwa cy’ingirakamaro. Aba baturage batangaje kandi ko babona akamaro k’amashyamba nk’umutungo udasaza kuko ngo n’abazabakomokaho bazasanga amashyamba hari byinsi yahinduye kandi nabo akazabafasha mugukemura ibibazo bitandukanye birimo kubaka, no kwakira umwuka mwiza uturuka kumashyamba.

Ministre w’umutungo kamere Stanislas KAMANZI yasabye abaturage gufata iki gikorwa nk’icyabo kandi bagaharanira ko ubutayu bwacika mukarere kabo, ibyo bakazabigeraho bagize uruhare mukwitabira gutera amashyamba no kubungabunga ibiti biba byatewe. Aha ministre akaba yashimye ubufatanye n’inkeragubara. Uetse kuba ministere y’umutungo kamare igira uruhare mukurwanya ubutayu batera amashyamba, bakomeza no kubikurikirana kugeza byeze nkuko minister Stanislas KAMANZI yabitangarije Radio Izuba.

Umuyobozi w’inkeragutabara General. IBINGIRA Fred yibukije abaturage bo mumurenge wa Rukara ko ubutayu bwagaragaraga mumwaka ishize bagomba guharanirako butahagaruka ahubwo bagashishikarira guhorana ibiti bitoshye. General Fred IBINGIRA kandi yatangaje ko ingabo z’urwanda zigomba guhangana n’umwanzi wese w’Urwanda n’ubutayu burimo, kuko ngo bataburwanije abaturage bagira ingaruka bityo igihugu kikaba gihombye kandi umutungo wambere w’igihugu ari abaturage.

Tubabwireko ari kunshuro ya 36 hazirikanwa umunsi mpuzamahanga wahariwe kongera ubuso bw’amashyamba, by’umwihariko muntara y’iburasirazuba hakazibandwa muturere twa Kayonza na Nyagatare kuko ngo ariho hakigaragara umubare muke w’ibiti. Muri aka karere ka Kayonza hateganijwe guterwa ibiti bisaga Millioni. Igikorwa cyo gutera amashyamba kikaba kizakomereza mukarere ka Nyagatare kuri uyu wagatanu tariki 18 Ukwakira 2011.

 Pegy MUKANEZA /Radio Izuba

                                                                                                      

 

admin's picture

Kubera ikibazo cyo kutagira amazi hafi bamwe mubaturage basangiraga amazi n’inka.

 Ubwo  Radio Izuba  yageraga ahagejejwe uwo muyoboro yasanze abaturage bavomana   ibyishimo n’umutuzo, batangaje ko ayo mazi kuribo ari igisubizo k’ibibazo byinshi bahuraga nabyo mubuzima bwabo bwa buri munsi birimo,  kuvoma kure mubirometero bisaga icumi,kuvoma amazi mabi,ndetse n’indwara zaterwaga n’amazi mabi.

NDABIKUNZE Noel N’ umuyobozi wa cooperative C ORGAR  amazi meza, ari nayo yatanze ayo mazi kunkunga  ya Banki y’Abaturage, yatangarije Radio Izuba ko nubwo ngo ayo mazi azagera kuri benshi  ariko ngo hari aho atazagera harimo akagari ka Kibatsi aho ayo masoko aturuka kuko ngo kari kumusozi. Akaba yakomeje avuga ko kugira ngo ayo mazi agere kutugari twose twiyo mirenge hakenewe izindi miliyoni mirongo itanu n’eshanu(55.000.000) mugihe basigaje milliyoni esheshatu gusa(6.000.000).

Naho umuyob ozi  mukuru w’ungirije wa Banki  y’Abaturage mu rwego rw’Igihugu  Jose  HABIMANA akaba yakanguriye abo baturage bahawe ayo mazi kubungabunga uwo muyoboro w’amazi  kuko ngo igihe wangiritse ubukungu buhatikirira bawusana wagobye gukoreshwa mubindi bikorwa by’iterambere.

Umunyamabanganshingwabikorwa w’akarere ka Ngoma Bwana BUSHAYIJA Fransis   yakanguriye abaturage bahawe ayo mazi kudapfusha ubusa ayo mahirwe bahawemaze   bagakora  bityo aya mazi bakanayabyaza umusaruro  kuko ngo ariryo pfundo ry’iterambere rirabye.  Akaba yanamaganye cyane abirirwa bicaya abangurira gushaka imirimo.

 David KAYIRANGA  / Radio  Izuba

 

admin's picture

JADF y’akarere ka kayonza ngo igiye kuvugurura imikorere yayo,ishyira imbaranga nyinshi mu mirenge.

 Ibi nibyagaragajwe mu nama y’umunsi 1 yahuje abafatanyabikorwa ba karere ka kayonza, inzego zibanze, ndetse n’abashinzwe umutekano mu nama rusange y’abafatanyabikorwa  yateranya kuri uyu wa kabiri I kayonza , ikaba yari igamije kurebera hamwe ibyo akarere ka kayonza ka hize niba byaragezweho , ibitarakorwa ndetse nibiganiro birambuye kuri JADF mu rwego rwo gusobanukirwa neza JADF icyo aricyo , akamaro kayo, n'ishingano z’a bafatanyabikorwa mu iterambere rya karere.

Ku bijyanye n’ishingano za bafatanyabikorwa mu iterambere rya karere ka kayonza ngo iracyari hasi aho kuri ubu ngo igeze kuri 60% nkuko madam NKURUNZIZA Julian vice president wa JADF Kayonza yabitangarije Radio Izuba ngo ahanini byatewe nuko kugeza ubu imirenge ntiragira commite ihamye yabafatanya bikorwa kandi aribo bakagombye kuba abantu ba mbere babyitabira bityo iterambere rirambye rikagera kubagenerwa bikorwa muburyo bwihuse.

Mu kungurana ibitekerezo,bamwe mu bayobozi bo batangaje ko ubushake bwo kuba mu ihuriro ry’ abafatnyabikorwa buhari , ariko ikibazo cya mikoro kiracyari imbongamizi, cyakora Madam Nkurunziza Julian yavuze ko bagiye  bagiye gukorana na committee za JADF mu mirenge, harimo ubukangurambaga, amahugura ku bafatanyabikorwa kugirango nazo zishobore kuzuza inshingano.

Kubijyanye n’uruhare rw'abafatanyabikorwa  ku iterambere rya karere , ikiganiro cyatanzwe na Safari Patrick umuhuzabikorwa  w’ibikorwa bya JADF ku rwego rw’igihugu  yagaragaje ko akenshi imihigo igerwaho aruko habayeho ubufatanye ku nzego zose zifite inshingano zo guteza imbere abo bayobora, ikindi nuko iyo hatabayeho kugenzura ibyakozwe usanga aho kugera kuterambere ahubwo usanga akarere gasubira inyuma. Asaba ko nibura mu bikorwa byose biba biteganyijwe byakorerwa igenzura n’isuzuma.

Ikindi yavuze nuko committee ya JADF ya karere ifatanyije na leta izakomeza gufatanya  kuko akenshi abafatanya bikorwa aribo bageza akarere mu kwesa imihigo

Umuyobozi wa karere ka kayonza MUGABO John yibukije ko kugirango iterambere rya karere rigerweho hagomba kubaho ubwitange bwabafatanyabikorwa, abasaba ko inama bagiriwe , nibyo basabwe babishira mubikorwa, abashinzwe gushiramubikorwa ibikorwa byiterambre babikora bityo akarere nigihugu muri rugange rikagera mu iterambere.

 Iyi gahunda y’ihuriro ryabafatanyabikorwa mu turere ndetse no mugihugu ikaba yaratangijwe mu mwaka wa 2010 hagamije kwongerera imbaraga amikoro y’uturere kugirango habeho iterambere kuri bose.


GACINYA M. Regina /IZUBA Radio - Kayonza

 

Aloys Gonzague NTWALI

Photo: 
Poste: 
Journalist


Main menu 2

by Dr. Radut