December 2011

Ubwo besaga imihigo yibyagezweho mu mezi atandatu ashize abayobozi bimidugudu 50 yo mu karere ka kayonza bahawe icyemezo cyishimwe kuri uyu wa 3 tariki ya 28 ukuboza 2011 kuba barabaye indashyikirwa mu kwesa imihigo , abataresa imihigo basabwa gushyiramo imbaraga kugirango nabo ubutaha ibi bihembo bizabagereho.

Mu ijoro ryo kuwa 24/12/2011 ubwo habaga igitaramo cyo kwitegura umunsi mukuru wa Noheli, aba kristu Gatolika bari bishimiye uburyo Radio Izuba yabazirikanye mu kumvikanisha Missa ku nyakiramajwi z'aba kristu batabashije kuhagera

U Rwanda rwakiriye nabi icyemezo cyafashwe n’Urukiko Mpuzamahanga Mpanabyaha rw’i La Haye (ICC) kuri uyu wa Gatanu tariki ya 16 Ukuboza 2011, cyo guhabaguraho ibyaha biregwa Umunyamabanga Mukuru w’umutwe FDLR Callixte Mbarushimana.

Mu gihe u Rwanda rushishikariza impunzi z’abanyarwanda gutahuka, ruzirikana n’imibereho yabo ubwo bazaba binjiye mu buzima busanzwe, ni muri urwo rwego mu karere ka Gatsibo hasojwe amahugurwa y’abahoze ari impunzi bahuguwe ku bijyanye n’imyuga.

Gouverneur w’Intara y’Iburasirazuba Mme UWAMARIYA Odette kuri iki cyumweru tariki ya 11 Ukuboza 2011 yasuye Radiyo IZUBA , akaba yarikumwe n’abayobozi b’uturere tugize iyi Ntara ndetse n’umuyobozi wa Police mu Ntara y’Iburasirazuba ,barishimira intambwe Radio y’Abaturage mu baturage rwagati imaze kugeraho mu guteza imbere abaturage binyuze mu Itangazamakuru.

Umuhinzi agomba guhabwa agaciro ke,agahabwa amahirwe yo kugaragaza ubumenyi afite , ndetse akanagira uburenganzira bwo kubona amakuru akeneye. Ibi ni byagarutsweho na David bowdralw umushakashatsi ndetse akaba n’umunyamakuru wabigize umwuga mu bijyanye n’ibiganiro bigamije guteza imbere abahinzi ubwo yaganirizaga abanyamakuru bagera kuri 20 bateraniye Arusha muri Tanzania, mu rwego rwo kubongerera ubumenyi kubijyanye n’uburyo bwo gutara, gutunganya ndetse gutangaza amakuru ajyanye n’ubuhinzi.

Nyuma y'iminsi mike aba nya Uganda ndetse na Kenya basuye Radio Izuba ubu noneho abanyeshuri bo muri za Kaminuza za Amerika basuye Radio Izuba mu rwego rwo kureba imikorere n’imikoranire hagati y’abaturage bo mu gihugu ndetse no hanze yacyo

Kaminuza ya Kwazulu Natal , iherereye mu mujyi wa gatatu mu bunini w’igihugu cya Afrika y’epfo nyuma ya Tshwane cyangwa se Pretoria na Johannesburg,umurwa mukuru. Ni wo mujyi utuwe n’abahindi benshi ku isi ukuyemo abari mu gihugu cy’ubuhindi.Ni umujyi uherereye ku Nyanja n’ubundi yitwa iy’abahindi.Ni kaminuza yubatse mu ishyamba rya kimeza rihora rigwamo imvura,n’utunyamaswa dutambagira ku mabaraza y’ishuri,mbese nk’uwakubaka ishuri muri nyumgwe yo mu Rwanda .