Jump to Navigation

May 2012

admin's picture

Hagiye gusanwa amazu y’abarokotse Genocide

umuganda

Inzu y’umupfakazi warokotse genocide MUSABYIMANA VANITIE abaturage, ingabo, police n’abayobozi batandukanye  barimo baravanga isima n’umucanga kugirango basane inzu y’uyu mupfakazi ni muri gahunda yateguwe n’umuryango avega AGAHOZO. Amazu yateganijwe gusana ku ikubitiro ni 3 yo  mumurenge wa Kazo mutugari twa Karama na Birenga yose yasaga nk’agiye guhirima ariko ubu aragenda amera neza kubera umuganda wakozwe. Umwe mubasaniwe wo mukagari ka karama   madame Ntihabose Gousta yavuze  bimushimishije kuko ngo yabonaga uinzu igiye kumugwira .

Umunyamabanganshingwabikorwa w’avega kurwego rw’igihugu madame KAYIRERE Odette yatangaje ko impamvu bahisemo kuza gukorera uyu muganda mu Karere ka Ngoma ari uko ariko Karere kakigaragaramo umubare munini w’abarokotse Jenocide batishoboye. Umuyobozi w’Intara y’Iburasirazuba madame Odette UWAMARIYA nawe witabiriye iki gikorwa yavuze ko aricyo kwishimira asaba ubuyobozi munzego zose gukurikirana aya mazu kugera arangiye neza

 

Mukaneza  Pelagie  /  Radio  Izuba

 

 

admin's picture

Akarere ka Ngoma niko kari ku isonga ku mubare munini w'abarwayi b'igituntu

Agnes

 Minister w’ubuzima Agnes Binagwaho niwe watangiye uyu muhango aho yasabye abaturage gufatanya na leta kwitabira iki gikorwa.Ubu bushakashatsi bugiye gukorwa n’ikigo gishinzwe ubuzima mu Rwanda (Rwanda biomedical center) bugamije kumenya imibare nyayo y’abarwayi b’igituntu bari mugihugu, ikindi akaba ari ukumenya umubare w’abagana ikigo cy’igihugu gishinzwe ubuzima. Gutangirizwa i Rukumberi ni uko  muri aka karere ka Ngoma hasanzwe hagaragara imibare myinshi y’abarwaye indwara y’igituntu,nkuko byatangajwe n’umuyobozi wungirije w’akarere ka Ngoma ushinzwe imibereho myiza y’abaturage Madame Kirenga Providence ngo mu mezi atatu yambere y’umwaka wa 2012 abagera kuri 31 bagaragayeho indwara y’igituntu.Twabibutsa ko u Rwanda rukaba rubaye urwa kabiri mu gutangiza ubu bushakashatsi muri afrika nyuma ya Ethiopia, ubushakashatsi bwigeze kubaho bwabaye mu 1954 hari ku ngoma y’ababiligi.  Mushumba Bruce  /  Radio  Izuba 

admin's picture

Ngoma: Ministre w'Ubuzima yasuye ibitaro bya Kibungo

Ministre w’ubuzima Agnes Binagwaho mu ruzinduko yagiriye mu bitaro bya Kibungo yari agamije kugirana ibiganiro birambuye  ku kibazo abakozi bahura nacyo mu kugeza service nziza ku babagana, akaba yababwiye  ko mu mezi ane gusa ari imbere Kaminuza 17 zo muri Leta zunze ubumwe za Amerika (USA) ziratangira gukorana na Ministere y’ubuzima batangira kwigisha abaforomo n’ababyaza mu kuzobera mu mu kuvura indwara zitandukanye (Specialisation).

Ku ikubitiro mu kwezi kwa munani abarimu  60 barahita boherezwa mu Rwanda gutangira kwigisha aba bakozi, kui kibazo cy’abakozi batangiye akazi muri 1994, bakaba batarahebwe ibirarane byabo Ministre yabizeje komu cyumweri kimwe gusa araba yabasubije, naho abarangije mu ishuri ry'abaforomo n'ababyaza rya Kibungo bakaba bafite Diplome ya neveau A1 bagihembwa kimwe n'abafite A2 yasabye ubuyobozi bw'ibitaro n'ubw'Akarere kugira vuba bakabakemurira icyo kibazo. Ministre Agnes Binagwaho kandi yemereye ibi bitaro inkunga yo kubongerera ibyuma byo gushyiramo abana bavuka badashyitse bizwi ku izina rya Couveuser

 

 Aloys Gonzague Ntwali  /  Radio  Izuba

 

admin's picture

Ubudehe bwadindije Mutuelle de Sante i Ngoma

Abaturage bo mu Karere ka Ngoma barakangurirwa gutanga umusanzu w'ubwisungane mu kwivuza w'ukwaka wa 2013 kugira ngo mu kwezi kwa karindwi kugira ngo bazabaehoshe kwivuza nta mbogamizi zibayemo.

Ibyo ni ibyagarutsweho mu nama y'ubukangurambaga yahuje inzego z'ubuvuzi zo mu karere ka ngoma hamwe n'intumwa za ministere y'ubuzima ni mu nama yabereye mu karere ka ngoma yari igamije mu kungurana ibitekerezo ku byakorwa kuri gahunda y'ubwisungane mu kwivuza kugira ngo irusheho kugenda neza kandi buri muturage wese ahabwe uburenganzira bwe agenerwa n'ubwo bwisungane.

Nk'uko byatangajwe n'uhagarariye ubwisungane mu karere ka Ngoma Ndayambaje Emmanuel, yavuze ko hakigaragara ikibazo cy'imyumvire mu baturage netse n'ibibazo byo kuba abaturage batishimira ibyiciro by'ubudehe bashyizwemo, akaba ariyo mpamvu muri iyi nama hafashwe umwanzuro  wo kurushaho gusobanurira abaturage ibyiza by'ubwisungane mu kwivuza ndetse hakanakorwa n'izindi nama ibyiciro by'abaturage bigasubirwamo mu buryo bunoze. Kugeza ubu mu karere ka ngoma hari abaturage bari ku kigereranyo cya 82% bitabiriye neza ubwisungame mu kwivuza

 

Pelagie Mukaneza  /  Radio Izuba

admin's picture

Ibigo by'imari mu Rwanda ngo bidindiza abahinzi ba Ngoma na Kirehe

Mu nama yamuhuje n’amakoperative yabahinzi b’ibigori n’inanasi mu karere ka Ngoma na Kirehe minisitiri Kanimba bamugaragarije ko kugeza ubu ibigo by'imari mu Rwanda ahanini aribyo bidindiza ubuhinzi bwabo kuko akenshi iyo batse inguzanyo kugirango bagure ibikorwa byabo usanga bayabima. Nkuko bivugwa na president wa koperative Korandebe yo mu murenge wa Rurenge mu karere ka Ngoma. Umuyobozi w’intara y’iburasirazuba madam Uwamariya Odette aganira n'abo bahinzi yabasabye ubwabo gukora bakagira umusaruro uhagije kuko umasoko ahari.

Kuri ibi bibazo minisitiri kanimba yabijeje ubuvugizi ku bayobozi ba za banki ndetse ababwira ko batakagombye kuvuga ikibazo cyamasoko kuko ikigo gishinzwe kugurira abahinzi umusaruro wabo badahenzwe (Rwanda Grain Cereal Cooperation)- RGCC cyagiyeho mu rwego rwo gukemura ikibazo cy'amasoko

Minisitiri Kanimba Francois akaba yasuye ahagiye kubakwa uruganda rw'amavuta akomoka ku gihingwa cya soya mu karere ka Kayonza ndetse yanasuye  ibikorwa bitandukanye mu karere ka Rwamagana.

 

 Gacinya M.regina  /  Radio  Izuba

 

 

 

 

 

admin's picture

Ethiopian - Rwanda mu gufasha abana bahungiye Nkamira

Abana n’urubyiruko bahunze imvururu n’intambara zirimo kubera mu burasirazuba bwa Repurika Iharanira Demokarasi ya Kongo,bakaba bari mu nkambi ya Nkamira mu karere ka Rubavu,barimo gufashwa kwigirira icyizere,ibyiringiro no kwizera ubuzima bwiza bw’ejo hazaza.Radiyoizuba yaganiriye na Grenda Dubienski ushinzwe ibikorwa bya Hope Ethiopian Rwanda,ayitangariza ko akimara kumva ko hari impunzi z’abanyekongo ziri mu karere ka Rubavu mu nkambi ya Nkamira,yazanye n’itsinda ry’abanyeshuri baturutse muri Univeriste ya Kalgarie muri  Canada kugirango  bafashe urubyiruko n’abana binyuze mu mikino, kugirango babafashe kumva ko hari ababari hafi,babitayeho,kandi babahumurize, babagaragarize urukundo,bityo bibarinde kwiheba.

Nteziryayo Ladislasi ukora muri Vision Jeunesse Nouvelle,umuryango utegamiye kuri Leta ukorana n’urubyiruko mu bikorwa bitandukanye bishingiye ku muco na siporo mu karere ka Rubavu,yatangarije Radiyo izuba ko barimo gufasha aba bana bahungiye mu nkambi ya Nkamira kuva mu bwigunge.

 

Phiston Peace maker / Radio Izuba


 

Abana n’urubyiruko bari mu nkambi ya Nkamira,barimo guhurira mu mikino itandukanye,harimo iya Basket ball,Volley ball na foot ball,Hope Ethiopian Rwanda ifatanije na Vision Jeunesse Nouvelle bakaba batunganije ibibuga byo  gukoreramo iyo mikino itandukanye,ndetse babaha n’ibikoresho byifashishwa muri iyo mikino.

 

admin's picture

Baratyaza ubwenge mu gukoreha freedom fone muri Tanzania

Amasomo yerekeranye no gukoresha ikoranabuhanga mu gutanga no guhabwa service ku ma Radio station, no mu yindi mirimo itandukanye cyane cyane kubantu bakenera guhamagara muri za studio zitandukanye hakoreshejwe Telephone ndetse na za mudasobwa, arimo arabera Arusha mu gihugu cya Tanzania.

Aya masomo ahuje aba Techniciens baturutse ku ma Radio atandukanye bagera kuri cumi na babiri baturuka mu bihugu, u Rwanda, Tanzania, Malawi, Caneroon, Uganda, Kenya n'ahandi, aya masomo arimo gutangirwa kuri Farmradio international.

 

Ufitabe Vedaste / Izuba Radio - Tanzania

admin's picture

Freedomfone igiye gukwira ku isi hose

arusha

Mu gihugu cya Tanzaniya mu mujyi wa Arusha haratangirwa amasomo yerekeranye no gukoresha Freedomfone, aya masomo akaba arimo arahabwa aba Techniciens batandukanye bo ku ma Radio baturutse mu bihugu bya Mali, Malawi, Kenya, Tanzania, Ethiopia,Zimbabwe, Uganda ndetse n'u Rwanda. Aya masomo yateguwe na Farm Radio International  akaba ateganijwe kumara ibyumwru bibiri

admin's picture

Nyuma ya Freedom fone ubu ni GRINS

Aho bateraniye mu gihugu cya Tanzania ku cyicaro cya Farm Radio International, nyuma yo kurebera hamwe amasomo ajyanye na Freedom Fone, bahise bakurikizaho amasomo ajyanye no gukoresha amwe mu ma program mashya nka GRINS.

Akaba azafasha cyane cyane za Radio Station zo mu bihugu bimwe na bimwe dore ko aba ba Techniciens nabo baturuka mu bihugu bitandukanye byo ku isi

 

Ufitabe Vedaste /  Radio Izuba / Arusha - Tanzania



Main menu 2

by Dr. Radut