Jump to Navigation

October 2012

admin's picture

Gufatanya n’abandi bituma ugera kuri byinshi

ISLAM

TUYISENGE umudamu  uhagarariye  bagenzibe  mu  karere  ka  Ngoma  (MODULA) akaba  agaragazako  bafite   intego  eshatu  bagenderaho  mu  kwibumbira  hamwe , harimo  umwe, kwiteza  imbere ,  kugira  ubumenyi  bw'idini. Aba  badamu  ba   ba  Islam  bo  mu  karere  ka  Ngoma   mu buryo   bwo  kwiteza  imbere  bakaba barashizeho  ikimina  bahuriramo  aho  babona bibafasha  kubona  amafaranga  abafasha  mubuzima  bwa  burimunsi .

Hakizimana  ositaz Abudoulkalim  IMAMU  wa ba  Islam  mu  karere  ka  Ngoma , aganira  na  Radio  Izuba  mu rwego  rwo  guha  imbaraga  abari  n’abategarugori  bashizeho  amazone  ane  y’ibyicaro  by’abadamu  kugira ngo  bajye  babona  aho  bahurira  ubwabo  bungurana  ibitekerezo. Muri ibi  byicaro  bakaba  bahana  amafaranga  mu  kimina  abafasha   kugira  kugira  bimwe  na bimwe  bacuruza  banitezimbere  bakava  mu bwingunge.

Aha  kandi  umuyobozi  wa  ba  Islam  akaba  agaragazako  85% by’abadamu   bagerageza  kwitabira  aya  mahuriro , banicyemurira  ibibazo  bahura nabyo  mu miryango  yabo. Muri ibi  byicaro bamwe mubadamu  baka  barahuguwe  mu  gukoresha  ibyuma  kabuhariwe (computer ) , guhinga  kijyambere  imboga  n’imbuto  ndetse  no  kwirinda  amakimbirane  mu ngo  zabo. Aba badamu   bakaba  bagaragazako  kuva  batangira  kwishira  hamwe   mu  kimina mu  mezi ane  bamaze  gushyitsa  amafaranga  asaga ibihumbi  magana  atandatu mirongo  itandatu n’icyenda (669 000frw) .

 

 Jean  Chrisostome  HABANABAKIZE  /  Izuba  Radio

 

  

 

 

 

admin's picture

Umuryango RWATAFA wibutse Julius Nyerere ku nshuro ya 13

Julius

ibi birori byabimburiwe n'igitambo cya misa  kuri Kiriziya ya mutagatifu  Mariko i Kirehe. Musenyeri  waturutse mugihugu cya Tanzania  yagarutse kubuzima n'ubutwari byaranze nyakwigendera julius  Kambarage   Nyerere. Aho yasabye ko yatubera urugero rwiza nkabanyafurika. Ibyo birori kandi byaranzwe n'imbyino nyarwanda aho bataramiwe n'inyamibwa zo muri kaminuza nkuru y'u rwanda akashe ijambo bashimiye nyakwigendera kumutima wurukundo,ubwitange yagaragarije abanyarwanda bari barahungiye mu gihugu cya Tanzaniya. Umuyobozi wa RWATAFA  Isdore  Gahamanyi  yashimiye abashyitsi baturutse mu gihugu cya Tanzania bayobowe na Governor  w'intara y 'Akagera, agaruka kandi kurukundo rwa Julius Nyerere, aho yavuze ko  yari inshuti z'abababaye harimo impunzi z'abanyarwanda aho  mu mwaka 1961 yabahaye gutura mu ntara ya Karagwe  kugirango babone ahantu hagutse ho gutura.

Umuyobozi wintara y'Akagera   Fabien Ignance Masawu yashimiye ubufatanye bw'u Rwanda na Tanzania anizeza ko ubu bufanye buzakomeza kwaguka, aho yahaye ikaze abanyarwanda  ababwira ko umupaka ufunguye kubifuza gushora imari muri Tanzania mu ijambo rye Madame Uwamaliya Odette umuyobozi wintara y'Iburasirazuba arinawe umushyitsi mukuru ashimangira ko ubufatanye buhamye  hagati ya Tanzaniya n'u Rwanda aho yatanze urugero rw'umwana w'umukobwa wari warataye ishuri ajya muri Tanzania ariko kubufatanye ubu uwo mwana akaba yaragarutse  akanasubira mu ishuri, ati "nubwo Julius Nyerere yapfuye twe tubibona nkaho akiriho. Twabibutsa ko  iyi ari inshuro ya 13 umuryango RWATAFA wibuka julius Kambarage Nyerere.

 

Edith Nibakwe  /  Izuba Radio

 

 

 

 

 

 

admin's picture

Abaturage batangiye gusobanurirwa ibijyanye n'amatora y'Abadepite azaba 2013

ngoma

Muri  bi  biganiro  byamaze  iminsi 2 byatangiye  kuri uyu wa 3  tariki ya 24 ukwakira 2012 bigasozwa kuri uyu wa 4 , byateguwe k’ubufatanye na komisiyo  y’igihugu y’amatora, ni  mu rwego rwo  kongerera  ubumenyi ndetse n’ubushobozi abashinzwe  komite  mpuzabikorwa z’uburere mboneragihugu bo mukarere  ka  ngoma ,  aho  basobanurirwa  ibijyanye  n’amahame ya demokarasi binyuze  mu  matora  ndetse  banagaragarizwa  uruhare  rwabo mu gukangurira no gusobanurira abaturage ibijyanye  n’imyiteguro  y’amatora  y’ abadepite  ateganijwe umwaka utaha  wa 2013 mu kwezi kwa kanama ndetse  na  nzeri .

Bamwe  mu bari bitabiriye  ibi  biganiro  baratangaza  ko ibyo  bungutse  ari ingirakamaro  kuri bo kandi ngo biteguye  kujya  kubisangiza  abo  baje  bahagarariye  kugirango  amatora  azagende neza , Iryivuze  Isai ni  umwe  mu bari bitabiriye ibi  biganiro ati    njyewe niteguye kujya gusangiza abaturage  naje mpagarariye ibyo nungukiye muri ibi biganiro kandi nzabafasha kubasobanurira ibisabwa byose kugirango amatora azagere  bose  bafite ubumenyi  buhagije “ Mme Gatebe Venansiya  umwe mubagize  komite mpuzabikorwa y’uburere mboneragihugu yagize ati ” nkabagize komite mpuzabikorwa y’uburere mboneragihugu  nitwe tugomba gufata iyambere mu gukora ubukangurambaga dusobanurira abaturage ibijyanye n’amatora kandi nabagenzi  banjye ndabasaba  gutangira  hakiri  kare kugirango abaturage  bamenye ibyo basabwa  “ .

Bwana  Ngarambe  silver  perezida  wa  komite  mpuzabikorwa  y’uburere  mboneragihugu  mu karere  ka  ngoma akaba  asaba  abahuguwe  gukora  ubukangurambaga  buhagije basobanurira  abandi baturage ibijyanye n’ibisabwa kugirango umuturage yitabire aya matora , akomeza avuga ko ibi n’ibikorwa nta kabuza abaturage bagejeje igihe cyo gutora bose bazitabira aya matora kandi bagatora neza.

Ibi  biganiro  bikaba  byabereye  hirya  no  hino mu karere  ka  Ngoma, aho imirenge ya  Kibungo na Remera  yahuriye ku kicaro cy'akarere  ka  Ngoma, imirenge ya Rurenge, Gashanda, Mutenderi , Kazo  bahuriye  i Kazo, mu gihe umurenge wa Mugesera, Zaza,Karembo bahuriye I Zaza, umurenge  wa Jarama , Rukumberi  na  Sake  bahuriye i Sake, ndetse  umurenge wa  Murama  na Rukira  bahuriye mu murenge  wa Rukira.

Besabesa Etienne  /  Izuba  Radio

admin's picture

Imikino y'Imboni za Radio Izuba muri 1/2

imikino

Murwego rwo kwimakaza ubumwe  n’ubwiyunge  mu bakunzi ndetse  n’ Imboni (abaturage batanga amakuru  aba yabaye  hirya  no hino iwabo mu mirenge ) za   Radio izuba, mu ntara  y’iburasirazuba  harabera imikino  y’umupira  w’amaguru yateguwe na Radio Izuba ifite ikicaro mu karere ka Ngoma  ikaba ari Radio y ’Abaturage  y’igenga  (Radio Communautaire )  .

Iyi  mikino yari yitabiriwe n’amakipe 16  yiganjemo ayo  muntara yiburasirazuba harimo  uturere twa Gatsibo , Kayonza , Rwamagana , Kirehe, Ngoma ndetse na Gicumbi yo mu ntara y’Amajyaruguru.  Aya makipe  agizwe n’abitwa  amatsinda  ndetse n’Imboni za Radio izuba. Iyi    mikino mu mpera z’iki cyumweru  ikaba  igeze  muri  ½ , aho ku cyumweru tariki ya 28-10-2012 aribwo hazaba  iyo mikino amakipe  akazahura  kuburyo  bukurikira:

1. JYAKUMURIMO F.C  y’ imurambi  mu karere ka Gatsibo VS  ABANYAMURAVA  F.C    yo mu karere  ka  Ngoma bazakinira ku kibuga cya   E.T.O Kibungo.

2. INSHUTI ZA RADIO IZUBA F.C   Kiramuruzi  yo mu karere ka Gatsibo  VS  INYENYERI Nyarubuye yo mukarere ka kirehe  bazakinira ku kibuga cya paruwasi gatolika ya Kibungo .

Muri  aya makipe   hakaba  hagomba  kuboneka mo  amakipe  abiri  azahatanira  ikigikombe  cy’ubumwe  n’ubwiyunge  aho izakegukana  umwanya wa mbere izashyikirizwa igikombe ndetse n’ibihumbi mirongo 50 by’amafaranga y’u Rwanda ndetse  n’ikipe ya kabiri ikazahabwa igihembo cy’amafranga ibihumbi 100 ,  naho  iya gatatu  ikazabona igihembo cy’amafaranga ibihumbi 50 ,   ndetse  hazahembwa n’umukinnyi watsinze  ibitego byinshi muri iri rushanwa .

Umuyobozi wa Radio Izuba Bwana Eric Kayihura atangaza ko aya marushanwa  azajya  aba  buri mwaka mu rwego rwo gushimangira ubufatanye bwa Radio Izuba  kugirango ikomeze kuba koko Radio y’abaturage muri bo.

Besabesa Etienne  /  Izuba  Radio

 

admin's picture

Amakipe y'Imboni za Radio Izuba yageze kuri Final

IMBONI

 

 

 Iyi mikino igamije  mu kwimakaza  ubumwe n’ubwiyunge, iyimikino  ikaba  yarateguwe kandi hamwe  n’inshuti  za Radio Izuba . Ni imikino yari yitabiriwe namakipe 16  yiganjemo ayo mu turere twa Gatsibo,Kayonza, Rwamagana, Kirehe, Ngoma na Gicumbi ho mu ntara y'Amajyaruguru. Aya makipe  agizwe n'abitwa  amatsinda  y’inshuti  za  Radio  Izuba, iyi    championa  mu mpera ziki cyumweru  ikaba  igeze  muri  ½ ,aho ku cyumweru tariki ya 28-10-2012 aribwo habaye  iyi  mikino:

 

Amakipe  yabashije  gutsindana  kuburyo  bukurikira  :

 

1. Jyakumurimo  y'i Murambi  mu karere ka Gatsibo   1 – 2  Abanyamurava Rujambara   yo mu karere ka  Ngoma bakiniye kuri  ETO Kibungo

 

2. Inshuti za Radio Izuba  FC  Kiramuruzi  2 -1   inyenyeri nyarubuye  bakiniye  kukibugacya  Paroise Kibugo

 

Kumukino  wa  nyuma  wa  final  tariki ya 17.11.2012 amakipe  azahura  kuburyo  bukurikira:

 

 

a) Jyakumurimo  y'i murambi  mu karere ka gatsibo  vs inyenyeri nyarubuye  bazakinira  kukibuga cya paroise kibugo   saa  tatu za  mugitondo   bahatanira  umwanya  wa  gatatu

 

 

 

 

b) Inshuti za radio izuba FC  Kiramuruzi  VS  Abanyamurava Rujambara   bazakinira  kukibuga cya Paroise Kibugo   saa  tanu  za  mugitondo 

Bahatanira  umwanya wa mbere muri  aya makipe   ane hakaba  hazamutse   amakipe  abiri  azahatanira  ikigikombe  cy’ubumwe  n’ubwiyunge  aho izakegukana izashyikirizwa igikombe  ndetse  nikipe ya kabiri niya gatatu zikaba nazo zizagenerwa ibihembo  ndetse  n’umukinnyi  witwaye  neza agatsinda  ibitego  byinshi  akaza  hembwa. Umuyobozi wa Radio Izuba Bwana Eric Kayihura atangaza ko ayamarushanwa  azajya  aba  burimwaka  ku bufatanye  na  Radio Izuba  n’abaturage mu rwego rwo kuba koko Radio yabaturage mu baturage rwagati.

 

 

 

 

Habanabakize Jean Chrisostome   /  Izuba  Radio

 

 

 

 

 

admin's picture

Abatuye umurenge wa Murundi noneho babonye amazi meza

kayonza district

Nkuko  twabitangarijwe na bamwe mu baturage batuye mu murenge wa Murundi, bemeza ahitwa ryamanyni amazi yahage ndetse n’abaturage batangiye kuvoma.Nubwo iki kibazo cy’amazi gisa nicyatorewe umuti, siko bimeze mu kagali karambi na murundi kuko abaturage baho bavuga ko batarabona amazi..

Kuri iki kibazo ubuyobozi bw’umurenge buvuga ko ikibazo cyatumye aya mazi atagerera  rimwe mu murenge wa Murundi ngo ahanini byatewe n’umwuzure wangije impombo zitwara amazi, naho ngo kuba hari hashize imyaka ine aba baturage badafute amazi ngo nuko amzi yayoborwaga na koperative y’abavomyi nkuko bitangazwa n’umunyamabanga nshingabikorwa w’Umurenge wa Murundi Murekezi Claude.Abaturage bo mu murenge wa Murundi basaba ubuyoyozi ko bwajya bukurikirana ibibazo ku buryo bitarinda gufata igihe kirekire kandi hari uburyo bwo kubibonera ibisubizohakaba hari hashize imyaka igera kuri ine mu murenge wa Murundi hagejejwe ibikoresho naza kiyosike zitanga amazi, ariko abaturage batarabona uburyo bwo kuyavoma


Bayingana Bonfils  /  Izuba Radio

 

admin's picture

MUTABAZI Celestin yasabiwe igifungo cy' iminsi 30 n’ubushijyacyaha

ubutabera

Ubwo urubanza rwatangiraga  ubushijyacyaha bwareze Mutabazi Celestin icyaha cyo kwihekura aho yatemye abana be babiri akabasiga mu  muringoti, Kayitesi Sylivie we ashijwa icyaha cy’ubugambanyi. Ubushijyacyaha bushingira ku buhamya bwatanzwe n'abaturanyi baba baregwa ndetse n’impapuro zo kwa muganga   .

Mu nyandikomvugo nyirakuru waba bana yahaye ubushinjacyaha yagaragaje ko Mutabazi atajyaga yishimira aba bana kuko yari yarabajyanye kwa nyirakuru mu rwego rwo kubihunza kandi ngo yabanaga na Kayitesi mu buryo bw’uburaya.

Mutubazi Celestin mu kwiregura yemeye icyaha kandi agisabira imbabazi yavuze ko ku isaha ya saa kumi n’igice  za mugitondo ku italiki ya 19 ukwakira yabyutse ajya kuvoma  nuko abana baravuga ngo ntabwo yabasiga mu rugo barajyana bageze hafi yaho bavomera ngo yataye ubwenge hanyuma  ntantubwo azi icyakurikiye,gusa ngo nyuma yo kubona ibyo abaganga bavuze, yemeye ko yakubise bikomeye abo bana .Kayitesi Sylivie ushijwa icyaha cy’ubugambanyi we agihakana yivuye inyuma avuga ko icyo gikorwa ntakintu na kimwe acyiziho, no kuba bavuga  ko yabanaga na mutabazi  ataribyo kuko nyuma yo kubyarana umwana w'umukobwa ubu ufite imyaka itatu nigice ntagahunda yindi bari bagifitanye.

Ubushinjacyaha byasabiye aba bombi ko baba  bafunzwe byagatenganyo iminsi mirongo itatu  kugira ngo kuba baba bari  hanze kutabangamira iperereza rikomeje gukorwa. Twababwira ko uyu Mutabazi Celestin na Kayitesi Sylivie baregwa icyaha cyo guhotora abana babiri aribo Gatete na mushikiwe witwaga Umubyeyi , ibi byabereye mu murenge wa Kazo mu rucyerera rwo kuya 19 ukwakira 2012.

 

Hakizayezu David   / Izuba Radio

 

 

admin's picture

Icyumweru cya Army week ku bitaro bya Kibungo

army week

Abaganga b’inzobere mu ndwara zitandukanye bo mu bitaro bya gisirikare  i Kanombe bagarutse mu bitaro bya Kibungo aho bari kuvura indwara zitandukanye zirimo gusibanganya inkovu ku mubiri, indwara z’amaso n’izindi.

Aba baganga b’abasirikare ngo biyemeje kugira uruhare mu gufasha abaturage kugira ubuzima bwiza. Muganga Major Kayondo King uhagarariye  iyi equipe yose yatangarije Radio Izuba ko iyi gahunda iri mu nshingano zabo nk’abanyarwanda bize ibyo kuvura abantu, yavuze ko muri iyi minsi bibanda ku bagore bagize inkurikizi mu gihe cyo kubyara bakaba bafite ibikomere cyangwa se izindi ngorane zishingiye ku kubyara cyane cyane abagore babyarira mu ngo iwabo.

Muganga  Kayondo kandi aravuga ko bavura n’abantu bafite inkovu ku mubiri batewe n’ibintu bitandukanye bikaba byarabasigiye ubusembwa. Nyuma y’icyumweru Army week mu bitaro bya Kibungo, aba basirikare b’abaganga, mu kwezi k’Ugushyingo 2012 barerekeza mu karere ka Huye mu ntara y’Amajyepfo.

 

Aloys Gonzague Ntwali  /  Izuba  Radio

 

John BAGABO

Photo: 
Poste: 
Journalist

Umunyamakuru w’icyamamare muri Amerika Bill Siemering kuri Radio Izuba

Bill Siemering

    Uyu munyamakuru w’icyamamare   Bill Siemering yamenyekanye mu buhanga bwo gukusanya inkunga zo gufasha amaradio ku isi, igikorwa amazemo imyaka isaga 30, yafashe iki cyemezo cyo kuza gusura Radio Izuba nyuma y’uko asobanuriwe imikorere ya radio izuba, hari munama yahuje ibitangaza makuru 40 byaturutse kumugabane w’afrika inama yatumiwemo na radio izuba yigaga kuburyo bwo kubungabunga ibidukikije. Iyi nama yabereye Addis Abeba muri Ethiopia mucyumweru gishize.Nkuko bwana Billy Siemering yabitangaje  ngo asanga Radio Izuba ikwiye kwitwa  Radio y’abaturage ngo kuko iyo akurikiye ibivugirwa ku rubuga rw’ikoranabuhanga rwayo  nibyo yasobanuriwe n’umuyobozi wa Radio Izuba bwana Eric Kayihura ngo abona Radio Izuba yibanda ku byo abaturage bifuza.  Uyu mugabo wasuye Radio Izuba yayoboye amaradio atandukanye ku mugabane w’Aburayi, Aziya ndetse akaba yaranafashije amaradio menshi ku mugabane w’Afurika.Uyu mugabo  yahawe n’ibindi bihembo byinshi birimo impamyabumenyi y’ikirenga y’icyubahiro yahawe na kaminuza ebyiri zo muri Leta Zunze Ubumwe za Amerika.Mukaneza Pelagie  /  Izuba Radio     

Sake bizihije isabukuru y’imyaka 25 FPR Inkotanyi ishinzwe.

sake

  Abanyamuryango b’Umuryango FPR Inkotanyi  bo mu tugari 4 tugize umurenge wa Sake, bizihirije isabukuru  y’imyaka  25 uyu muryango umaze ushinzwe kuri buri kagari. Muri ibi birori hatangiwemo inka 30, ihene 40, F150.000, ibitenge 4 batangira ubwisungane mu kwivuza abantu 2 batishoboye banahaye kandi  amata abana bari bitabiriye ibi birori.Mu ijambo yagejeje ku baturage umunyamabanga nshingwabikorwa wa Sake Mapendo Girbert  yasabye abanyamuryango ba FPR Inkotanyi  gukorana umwete buri wese mu murimo akora, anabashimira ubwitabire bagize abizeza ko mu minsi mike bagiye kubakirwa uruganda ruzajya rutunganya  inanasi aho kwirushya bazohereza ku ruganda Inyange  I Kigali bakajya bavanamo ibinyobwa bikorewe  mu murenge wa Sake. Ukuriye Umuryango FPR Inkotanyi MURI Sake Nkuranga Francois we arasaba abanyamuryango kubumbatira ibikotwa FPR umaze kubagezaho ikndi kandi birinde kwirara baharanire gushyira umurimo imbere.Abaturage batishoboye bahawe amatungo barashimira cyane perezida Paul Kagame wabahaye aya matungo, nabo ngo biteguye kumwitura boroza abaturanyi babo amatungo  azakomoka kuyo bahawe ibi biratangazwa n’umwe muri bo yitwa Uwimana Asumani wo mu kagari ka Gafunzo. Iyi gahunda yo kwizihiza isabukuru y’imyaka  25 umuryango FPR Inkotanyi iri gukorwa mu mirenge hirya no hino mu Rwanda biteganijwe ko mu rwego rw’igihugu izizihizwa mu kwezi k’ukuboza uyu mwaka wa 2012.Aloys Ntwali Gonzague  /  Izuba Radio 

I Kazo umuturage yarihekuye

nambaje

Intandaro yo gusabwa gukaza umutekano muri uyu murenge ni uko hakomeje kugaragara ibikorwa bishingiye ku rugomo n'ubwicanyi aho umugabo witwa Mutabazi Celestin ari mu nzego z’umutekano kubera ko acyekwaho kwihekura abana be babiri umwe w’imyaka irindwi nundi w’imyaka itanu bumugore we batari bakibana.Umuyobozi wa polisi mu karere ka ngoma supertendent Alex RUTABAYIRO yasabye abaturage ba Kazo ko bagomba gukaza amarondo kandi bagatangira amakuru ku gihe, yabasabye kugira umutima wa kimuntu kandi bakirinda ikintu cy’ubuharicye kuko giteza umwiryane mu miryango bikaba bigira ingaruka ku bana ndetse no mu muryango muri rusange.Umuyobozi w'akarere wungirije ushinzwe imibereho myiza y’abaturage mu karere ka Ngoma madame KIRENGA Providence y’asabye abaturage ba Kazo ko buri wese agomba kwisuzuma kugira ngo hubahirizwe uburenganzira bw’abana yagize ati: “ baturage ba kazo mugomba kwisuzuma mukareba hirya no hino aho muba mu midugudu ko abana bose babamo biga bataba biga mukabimenyesha ubuyobozi kuko ibi byose biba byabaye bituruka ku kuba abana baravukijwe uburenganzira bwabo” Umuyobozi wa karere ka Ngoma bwana NAMBAJE Aphrodise yasabye abayobozi bo ku rwego rw’umudugudu ko bangomba gukoresha telephone bahawe bagatangaza amakuru ku gihe, mu butumwa bwe yasabye abaturage ko bagomba kubaha no gukunda ubuzima bwabo kandi bakabukunda yagize ati: “ abato n’abakuru , umugore n’ umugabo , umukobwa n’ umuhungu aho bava bakajya bagomba kubaha kandi bagakunda ubuzima nta muntu numwe ufite uburenganzira bwo kwambura cyangwa kwiyambura ubuzima kuko ari ubw’agaciro” Nyuma y’ubutumwa bagenewe n’abayobozi batandukanye abaturage bari aho biyemeje ko bagomba gutabarana ku gihe , kuvugisha ukuri ku bibazo bihari, biyemeje gukaza amarondo, kwitabira gahunda za leta ndetse no kugandukira ubuyobozi.Hakizayezu David  /  Radio izuba

admin's picture

Amakuru yo mu bihugu by'ibiyaga bigali kuri Internet

eirene

Kuri uyu wa kane tariki ya 11/10/2012 mu mujyi wa Bujumbura ho mu gihugu cy'u Burundi ku cyicaro cy'umuryango EIRENE GRANDS LACS, hatangiye inama y'iminsi ibiri irimo kwiga  ku bijyanye n'amakuru "Nta mipaka" ategurwa n'umushinga PIGISTE ukorera ku ma Radio atatu yo mu karere k'ibiyaga bigari, ariyo Radio RPA (Radio Publique Africaine)  yo mu Burundi,  Radio Maendeleo yo muri Congo na Radio Izuba yo mu Rwanda  i Ngoma mu ntara y'Iburasirrazuba.

Abateraniye muri iyi nama barimo barebera hamwe amakuru yose yatambutse kunsakazamajwi z'aya maradiyo igihe cy'umwaka wose wa 2012 avuga ku bintu bitandukanye muri ibi bihugu byo mukarere k'ibiyaga bigari (Congo, Rwanda, Burundi) , ayo makuru yose agashyirwa kurubugankoranyambaga (website) y'uyu muryango EIRENE (www.radiosgrandslacs.wordpress.com) kugira ngo abatarabashije kuyumviriza kuri izi Radio babe babasha kuyakurikira hakoreshejwe ikoranabuhanga rya none.

Vedaste Ufitabe / Izuba Radio  Bujumbura  - Burundi

admin's picture

Igihingwa cya Makadamiya kizgiye gukorwamo chocolat muri 2013

makadamiya

 

 

 

Hifashishijwe  igihingwa  cya  Makadamiya mu mwaka  wa 2013  mu  Rwanda, kigiye  kujya  kibyazwamo  chocolat,biscuit,amavuta yo kwisiga  ndetse  na  Ice  cream, ibi  ngo  bikazafasha abahinzi  biki  gihingwa  mu kwiteza imbere  bo  n’imiryango  yabo nk'uko   byatangajwe na  bwana  Gatarayiha  Nolse Elyse uhagarariye  Coperative  ya  Twihangire  Macadamiya  ku  rwego rw’igihugu ,ibi  akaba yabitangaje ubwo  yahuraga  n’abaturage  bakora  ubuhinzi  bwa  Makadamiya  batuye  mu karere  ka  Ngoma.

 

Muri  ibi  biganiro  byari byahuje  abahinzi ba Makadamiya bo  mu karere  ka  Ngoma  ndetse  n’ubuyobozi bwa  koperative Twihangire macadamiya ku  rwego  rw’igihugu , barebeye  hamwe  uko  umusaruro  wifashe, imbogamizi  bahura  nazo  ndetse  n’uburyo  bajya  bagezwaho  imbuto za  makadamiya kuburyo  bworoshye.Nyuma  y’ibi  biganiro aba  bahinzi   batangaje    ko bagiye  gukorera  hamwe  muri  koperative  kugira ngo  bateze  imbere  iki  gihingwa  ndetse n’ umusaruro  bakuyemo  ubashe kubagirira  umumaro  bityo  biteze  imbere  bo  n’imiryango  yabo. Bwana Gatarayiha  Nolse Elysee uhagarariye  Coperative  ya  twihangire  macadamiya  ku  rwego rw’igihugu akaba  yatangaje  ko mu  mwaka  wa 2013 bagiye  gushaka  imashini zitunganya  makadamiya  igakorwamo za biscuit,chocolat,amavuta yo kwisiga ayo guteka  ndetse  na  ice  cream, bikazafasha mu kugabanya  ibi byose  byatumizwaga  mu  mahanga. Nubwo  iki gihingwa  cya  makadamiya kimara  imyaka  hafi 3 n’igice  kugirango  umuhinzi  atangire kubona  umusaruro Gatarayiha  akaba  asaba abahinzi  bose  guhinga  iki gihingwa  kuko  isoko ubu ryabaye  rigari  kwisi  hose, kandi  kikaba gitanga  ubukungu  kuburyo  bwihuse  kuko ikilo  ari  amafaranga 700.Igihingwa  cya  makadamiya gihingwa  ahantu  hose  usibye  mugishanga, ubusanzwe  abantu  bakaba  bakirya  nk’ubunyobwa  bikagira  ingaruka  nzinza k'ubarwayi  ba diabette,umutima  ndetse  nizindi  ndwara.

 



 

Besabesa Etienne  /  Izuba  Radio

 

 

 

 

 

admin's picture

ADECCO yashinze Radio Izuba yabonye umuyobozi mushya

adecco

Bwana  Munyandinda Emmanuel  asimbuye Padiri Dominic Karekezi ku mwanya wo kuyobora umuryango ADECCO ari wo washinze Radio Izuba.Komite yasimbuwe ikaba yari imaze imyaka itatu.Amatora ya Komite nshya y'umuryango ADECCO yabereye  i Rwamagana kuri   uyu wa kabiri mu nama y’inteko rusange . Radio izuba nk’a radio y’abaturage  igiye  kongera  ingufu  mu gutezimbere  imiyoborere myiza  hashingiwe  ku gushyirimbere  ubufatanye   hagat iy ‘inzego za leta  abikorera  na societe civil  .Nkuko bitangazwa  na MUNYANDINDA Emmanuel   watorewe  kuyobora  comite  nshya  iyoboye  umuryango washinze radio izuba  ngo ubu bufatanye nibwo  shingiro ryo guterimbere.

Umwali Denyse  ushinzwe guhuza  gahunda  zihariye mu ntara y’I burasirazuba  washimye imikorere ya Radio Izuba,abakozi n’ubuyobozi bwayo  yatangaje ko intara y’I burasirazuba izakomeza gushyigikira radio izuba  cyane cyane hakorwa ubuvugizi ngo yumvikane kurePadiri  Dominic  Karekezi  uyoboye Komite icyuye igihe  yashimye  abo bakoranye anabizeza gukomeza  gufatanya .

Komite nshya ya ADECCO  umuryango washinze Radio Izuba  yatowe iyobowe na munyandinda Emanuel ,Murayire  Protais  umuyobozi w’ungirije ,Byukusenge Madeleine  umunyamabanga  Ndamage Silas  umubitsi ,Abajyanama  Afrodise Nambaje ,Uwimana Nehemie ,Mugabo John ,Rwagaju Louis ,Jeannete Gahongayire ,MusenyeriI Ntazinda Emmanuel , Karasira Theophilenaho  Mupenzi George ,Ingabire Anne Marie  na Isabwe Vedaste babaye abagenzuzi.Muri iyi nama hanabereyemo umuhango w'ihererekanya bubasha hagati ya Komite icyuye igihe na Komite shya,hanagaragarijwe raporo y’ibikorwa bya Radio Izuba mu myaka itatu raporo yagaragajwe na eric kayihura umuyobozi wa Radio Izuba.

Nkurunziza Theoneste  /  Izuba Radio

 

admin's picture

Amakimbirane y’amasambu akomeje gufata indi ntera.

urutoki

Ubwo  umunyamakuru  wa Radio Izuba yahageraga  yasanze  insina  zose ziri  hasi  ndetse  n’ibitoki  byariho  byatemaguwe.Nkuko  bitangazwa  na  bamwe  mu batuye  muri aka kagari  bavuga  ko  uyu  Safari  yigeze  gufungwa  akurikiranyweho kunywa  urumogi akamara  imyaka 5 ari muri  gereza ,  ubwo yafungurwaga  yatangiye kujya atoteza  murumuna  we amushinja  kuba yaragurishije  amasambu bari barasigiwe  na  se  ubabyara,  aba  baturanyi  bakomeza  batangaza  ko aya  masambu uyu  Hakizimana atayagurishije  nk'uko mukuru we abivuga , ahubwo ko    ubwo  hatangiraga  gahunda  yo  gusaranganya  aribwo ubuyobozi bwabasaranganyije  aya  masambu  hamwe n’abandi  .

Bamwe  muri  aba baturage  batuye  mukagari  ka  mukoyoyo bakaba  batangaza  ko  mu  minsi  iri  mbere  igitoki  kizajya  kirya  umugabo  kigasiba  undi  , kuko  ubusanzwe  uru  rutoki  rwa  Hakizimana  rwari  rutunze  benshi.Umunyamabanga  nshingwabikorwa w’aka  kagari  kabereyemo  aya mahano   Rutayisire  Theoneste  atangaza  ko  iki  gikorwa  cyakozwe  n’abantu  bitwikiriye  ijoro  bajya  gutema izo  nsina, akomeza avuga ko  kuba  uyu mugizi wa nabi yafashwe  bigomba  kubera  abandi  isomo  kuko  umuntu  wese  uzafatirwa  mu gikorwa  nk'icyo  agomba  kujya  akurikiranywa  n’inzego  zishinzwe  umutekano  kugirango aryozwe  ibyo  aba  yakoze.

Rutayisire avuga  ko impanvu  yatumye ibi  bikorwa  bikorwa  ariko  muri  iyi  miryango harimo  amakimbirane y’ibijyanye n’ubutaka  ariko  ubuyobozi  bukaba  bwari  buzi iki kibazo dore y’uko  bwari  bwaranagerageje  kubunga  .

 Besabesa Etienne  /  Izuba Radio

 

 

 

 

 

 

 

 

admin's picture

Inama mpuzamahanga yiga ku bidukikije iteraniye muri Ethiopia

Dr Fatuma

Iyo nama   ya kabiri mu mateka yayo,  ihuje ibitangazamakuru n’ibiro ntaramakuru bisaga 40  hari mo na Radio Izuba.Iyo nama ikaba yarateguwe n’ishami ry’umuryango w’abibumbye ryita ku bukungu n’ibidukikije , UNECA mu magambo ahinnye y’icyongereza.

Mu ijambo ryo gutangiza iyo nama, umuyobozi  ushinzwe politiki y’ibidukikije muri Africa , Dr Fatima Denton atangaza ko “n’ubwo abanyamakuru b’Africa bakennye ariko  ari aba mbere mu gufasha  mu guhindura imyumvire ku bijyanye n’imihindagurikire y’ikirere kandi bagafasha ko n’Africa yagira ijambo mu ruhando rw’isi. Mme  Fatima Denton nk’umuntu wakoze mu mushinga wifashisha ikinamico mu gukangurira abaturage imihindagurikire y’ikirere, yasabye ko  abanyamakuru bareka gukorera abaturage gusa ahubwo bakongeraho no gukorana nabo”.

Mbere ya saa sita z’amanywa,abari mu nama  bunguranye ibitekerezo  ku kuntu mu bihugu byabo ibidukikije bibungabunzwe, n’uruhare abanyamakuru bagira muri icyo gikorwa. Urugero rwatanzwe ni nko mu gihugu cya Ghana, aho abaturage ngo  bibagora kumva ko hari icyo bakora mu kubungabunga ibidukikije kuko bazi ko ikibaye cyose kijyanye n’imihandagurikire y’ikirere, ari Imana iba yagitegetse.Nyuma ya saa sita abari mu nama barungurana ibitekerezo ku ikorana buhanga mu bitangazamakuru by’Afrika n’ingorane bahura na zo mu gutara amakuru ajyanye n’ibidukikije. Iyi nama y’abanyamakuru ibanjirije  indi iteganyijwe gutangizwa  ku munsi w’ejo kuwa gatanu;inama izaba ihuje abafata ibyemezo bijyanye n’imihindagurikire y’ikirere muri Afrika.

 

Eric Kayihura  /  Radio izuba  Addisa Ababa - Ethiopia

 

 

 

admin's picture

Bitarenze icyumweru gitaha Icyamamare Bill Siemering azasura Radio Izuba

Bill

Ibyo Bwana Bill Siemering yabitangarije abateraniye mu nama ihuje abanyamakuru n’abayobozi b’ibitangazamakuru I Addis Abeba muri Ethiopia kuri uyu wa kane.Nk’uko bitangazwa na nyir’ubwite, ngo asanga Radio Izuba ikwiye kwitwa koko Radio y’abaturage kuko iyo akurikiye ibivugirwa ku rubuga rw’ikoranabuhanga rwayo abona Radio Izuba yibanda ku byo abaturage bifuza.

Bwana Bill Siemering yamenyekanye mu buhanga bwo gukusanya inkunga zo gufasha amaradio ku isi,igikorwa amazemo imyaka isaga 30. Yayoboye amaradio atandukanye ku mugabane w’uburayi,Aziya ndetse akaba yaranafashije amaradio menshi ku mugabane w’Africa. Bwana Siemerig yashinze ikigo  gifasha amaradio gikorera I Philadelphia muri Leta Zunze ubumwe z’Amerika. Mu mwaka w’ 1993, yateye inkunga   amaradio  y’abaturage anyuranye muri Afurika y’epfo  bimuhesha igihembo cyitiriwe Mac Arthur ,mu 1995 ahabwa ikindi cyitiriwe Knight International Journalism. Mu mwaka w’1996 yasubiye muri leta zunze ubumwe z’Amerika,ayobora ihuriro ry’abanyamakuru ry’I Washington D.C, nyuma aza kuyobora ikindi kigo cy’itangazamakuru cyitwa Open Society Institute gitera inkunga amaradio mu bihugu bisaga 50 byo ku isi harimo Uburundi,Mozambike na Sierra Leone.

Bwana Bill Siemering uje gusura Radio Izuba yahawe n’ibindi bihembo byinshi birimo impamyabumenyi y’ikirenga y’icyubahiro yahawe na kaminuza ebyiri zo muri Leta Zunze Ubumwe za Amerika.

Eric Kayihura /  Addis Ababa, Ethiopia

 

 

 

admin's picture

Kayonza:Urubuga rw’abafatanyabikorwa rugiye gushyirwaho

Uyu mwiherero  uyobowe n’ushinzwe imibereho myiza mu karere ka Kayonza Mme MUTESI Anita, hagaragajwe ko akarere kabo kazamutse mu manota ariko ko katazamuka mu myanya  ngo dore ko mu mihigo ishize kaje kumwanya wa 18 mu gihe kabonye amanota asaga 87 % kavuye ku manota 65 % muri 2009-2010 ku rwego rw’igihugu.MUTESI Anita akaba atangaza ko kuza mu myanya myiza y’akarere kabo bisaba uruhare rwa buri mufatanyabikorwa.

Zimwe mu mbogamizi bagaragaje zatumye bataza mu myanya myiza zirimo kuba bamwe mubafatanyabikorwa, ibikorwa bakora bitagaragara muri raporo batanga ndetse bamwe muri bo bakaba badatanga n’igenamigambi ry’ibyo bakora hakaba n’abahimba amaraporo adahuye n’ibyakozwe.Muri iyi nama havuzwe ko Kugirango bazaze mu myanya myiza, ari uko kuva ku muturage kugera kuri buri wese ukorana cg ukorera mu karere habaho kuzuzanya, buri wese akabigiramo uruhare kandi ibikorwa akabigira ibye.Hifujwe ko havugururwa uburyo bwo guhanahana amakuru, cyane ko hagaragajwe abadatanga raporo ndetse n’igenamigambi ry’ibikorwa byabo.

Hakaba hemejwe  ko hajyaho urubuga rw’abafatanyabikorwa mu karere, igikorwa gikozwe kigahita kijya kuri uru rubuga amakuru agasakara byihuse bikazafasha mu kwesa imihigo cyane ko ngo hari ibikorwa bihari kandi bifatika.Hanifujwe kandi ko hahurizwa hamwe abafatanyabikorwa bakora ibintu bisa kugirango bakorere hamwe ikintu gifatika, atari uduce duce.Butera Jean Baptiste umuyobozi w’inama njyanama y’akarere ka Kayonza mu gusoza uyu mwiherero yabwiye abawitabiriye ko bakwiye kwirinda umuco wo kubeshya mu ma raporo yabo birinda icyo bise gutekinika ibikorwa dore ko ngo nko mu mirenge hari ahajya hagaragara abavuga ibitaribyo kandi ubikoze amaherezo bikagaragara mw’igenzura ry’imihigo kandi bikanabasubiza inyuma mu mihigo akarere kiyemeje,bityo aboneraho kubasaba gukora nk’umuntu umwe, ibikorwa bakora bakabishyiramo imbaraga buri wese munshingano ze yiyemeje.

 Martin Mwiseneza  /  Izuba  Radio

admin's picture

Aborozi barasabwa kuzitira inzuri

inzuri

Kuzitira inzuri no kuvanamo ibyatsi byindiririzi ni igikorwa kigomba kwihutirwa ku borozi bo mu turere twa Kirehe na Kayonza. Ibi ni ibitangazwa na guverineri w’intara y’Iburasirazuba UwamaliyaOdette, mu nama yamuhuje na minisitiri w’umutungo kamere Stanislas Kamanzi hamwe n’aborozi bo muri utu turere twombi, byabereye mu cyumba cy’inama cya East Land Motel I Kayonza kuri uyu wa gatanu tariki ya 19-10-212. Guverineri Uwamariya yasabye akomeje aba bororozi gukoresha ubutaka icyo yabusabiye niba ari ukorora bibe ibyo, niba ari uguhinga bibe ibyo.

Minisitiri Kamanzi we yasabye aba borozi kuzitiza inzuri zabo ibiti bya gakondo nk’ imiyenzi imigu imivugangoma n’ibindi. Minisitiri Kamanzi yagarutse ku biyobyabwenge nka kanyanga inyobwa n’abozi n’abashuba babo cyane cyane abo mu Mutara bigatuma batita ku matungo yabo n’ubuzima bwabo bukahangirikira.

Iyi gahunda yo gukangurira aborozi kwita ku matungo yabo ba kirehe na Kayonza ije ikurikira aba Nyagatare na Gatsibo ikaba igiye gukomereza mu mirenge no mu tugari twose mu ntara y’Iburasirazuba.

 

NTWALI Aloys Gonzague  /  Izuba Radio

 



Main menu 2

by Dr. Radut