Error message

Notice: Undefined property: stdClass::$comment_count in comment_node_page_additions() (line 728 of /home/izubard/public_html/modules/comment/comment.module).

Barakangurirwa guhinga SOYA ku bwinshi

Minisiteri  y’ubworozi  n’ubuhinzi  minagri   irasabwa gukomeza gukora ubukangurambaga mu gukangurira  abaturage gukomeza  guhinga  kubwinshi igihingwa  cya  soya  kugirango     mu kwezi  kwa karindwi  muri uyu  mwaka  ubwo  uruganda Rutunganya  soya rukayibyaza  amavuka  rwitwa  Mount Meru Soyco  Ltd   ruherereye  mukarere ka  Kayonza ruzaba rumaze kubakwa ruzabone   umusaruro  uhagije  wo gutunganyamo  amavuta  ndetse  nibindi,  ibi  iyi  minisiteri  yabisabwe  na  Minister  w’intebe  Dr  Pierre  Damien  Habumuremyi  ubwo    yasuraga  uru  ruganda  mu rwego  rwo  kureba  aho  imirimo  yo kurwubaka  igeze.

Ministre  w'intebe  w'u Rwanda Dr Pierre  Damiene  Habumuremyi aherekejwe na Minister w'ubuhinzi  n'ubworozi  Agnes  Karibata, Minister w'ubucuruzi  n’inganda  Francois  Kanimba  ,Guverineri  w'intara  y'Iburasirazuba  Uwamariya  Odette  ndetse  n'abandi bayobozi  batandukanye  ubwo bageraga   ahari kubakwa  uru  ruganda rwitwa Mount  Meru  Soyco  Ltd  ruherereye  mu karere ka Kayonzababanje  gutamabagizwa  ahantu  hatandukanye  harimo  gukorerwa  imirimo  yo kubaka  uru  ruganda, aho  beretswe  uburyo  uru  ruganda  ruzajya  rukora

Nyuma  bakaba bagiranye  ibiganiro hamwe  n'abashoramari  batandukanye  bafite  imigabane  muri uru  ruganda  bagaragaza  aho  imirimo  igeze, ndetse  n'igihe  bateganya  kuba  bararangije kubaka  uru  ruganda ndetse n'imbogamizi  bahura  nazo .

Bwana  Uwimana  Innocent  uhagarariye abashoramari bashyize imigababe muri uru  ruganda  yatangaje  ko kubufatanye  na  Minisiteri  y'ubuhinzi  n'ubworozi  batangiye  gukangurira  abaturage  guhinga  soya  kuko umuturage  uzajya  ubagemurira  soya  bazajya  bagirana  amasezerano  hanyuma  bakamwishyura  bakurikije umusaruro  yagemuyeikilo  cya  soya  agahabwa  kumafaranga  300  y' u  Rwanda.

Ministre  w'intebe  Dr  Pierre  Damien  Habumuremyi  akaba yasabye  Minagri  ndetse  na  Lab  gushaka  imbuto  za  soya, bagakora  n'ubukangurambaga  kuburyo  bwihuse  kugirango  abaturage  batangire bahinge  soya  kugira ngo  uru  ruganda  ruzajye kuzura umusaruro  warabonetse  kuburyo buhagije.

Uru  ruganda  ruzuzura  rutwaye  akayabo  kangana  na miliyoni 13  z'amadorali  y'amerika , ruri kubakwa na sosiyeti yitwa Mount Meru Soyco ikorera mu bihugu bitandukanye birimo Uganda, Zambia ndetse na Tanzaniya.

Rwatangiye  kubakwa  mu kwezi  kwa  3 umwaka wa 2012, rukaba  ruzajya  rutunganya  amavuta aturutse  muri  soya  ndetse  n'ibihwagari, mugihe  ruzaba  rumaze  kuzura ruzaba rufite  ubushobozi bwo  gutunganya toni 200  kumunsi  za  soya. Ruherereye mu Karere ka Kayonza ufashe umuhanda werekeza mu turere twa Gatsibo na Nyagatare. Ruzubakwa ku buso bungana na hegitari 25. Iyo urebye usanga uru ruganda rwubatse hafi uvuye ku muhanda munini. Uru ruganda kandi rugera neza mu gishanga cyo mu Ntaruka kigabanya Umurenge wa Gahini n’uwa Mukarange.

Besabesa Etienne  /  Izuba Radio

 

 

 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.

© 2014, Radio Izuba - Powered by Babone K. Salvador